السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم طريقة تحضير الحرشة المغربية بطريقة سهلة.
مقادير الحرشة
- نصف كيلو غرام سميدة رقيقة
- زوج كيسان من الحليب و يمكن استعمال الماء
- ملعقة كبيرة سكر سنيدة
- خمارة حمراء ديال الحلوة
- نصف كأس ديال العنبة من الزيت
- قبسة ملح حسب الذوق
طريقة تحضير الحرشة
- أولا ناخد إناء باش نخدمو فيه و نضع فيه السميدة
- نضيف السكر سنيدة و الملح و الخمارة ديالنا
- ثم نخلطو حتى يمتزجو
- ثم نضيف الزيت و نخلطو بالأصابع ديالنا غير نبسبسو ماشي نعجنو لأنه غادي تعجن لينا الحرشة في حالة عجناها
- بعدما نبسبسو مزيان نضيف الحليب أو الماء حسب الرغبة
- ثم نخلطو بالأصابع ديالنا غير شوية و نحبسو و نترك السميدة ديالنا تشرب و تنشف لينا
- ثم غادي نحتاج زوج صينيات أو الگراصات في حالة كانو متوفرين
- غادي نرشو السميدة رقيقة على الصينية ديالنا ثم نضع فوقها الخليط ديالنا و نبداو نگرصو بشوية يد نگرصو بيها و يد نقادو بيها الجوانب باش تجينا دائرية و ماتخسرش
- بعدما نگرصوها نرشها بالقليل من السميدة و ضروري تكون متوسطة في السمك ماشي رقيقة و ماشي غليظة تقريبا في السمك ديال الخبز
- بعدها نستعملو الصينية الأخري باش نقلبوها نضع الصينية فوق الحرشة و نقلبوها للجهة الأخرى ثم نگرصوها غير شوية من الجهة الأخرى و نرشها بالقليل من السميدة
- ناخد المقلة الثقيلة و ندهنوها بالزبدة و نرشوها بالقليل من السميدة
- ثم نقلبو الحرشة ديالنا في المقلاة
- ثم نضعها فوق النار باش تطيب نتسناوها حتى تبان لينا نشفات و بدات كاتقساح شوية من الفوق ثم نقلبوها و نستعمل الصينية باش نقلبوها باش ماتهرسش لينا
- و ضروري نقلبو بشوية باش ماتهرسش لينا
- بعدما نقلبوها نتركها غير شوية حتى تحمر من التحت ثم نحيدوها من فوق النار و نقدموها
و هكذا الحرشة المغربية ديالنا واجدة، نتمنى تعجبكم الوصفة ديال اليوم و تشاركوها مع الناس العزاز عليكم ، كذلك تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة.
بالصحة والعافية
تعليقات
إرسال تعليق