عصائر رمضان 2020 _ شهيوات رمضان سهلة_ تحضير الرايب البلدي المغربي بطريقة سهلة و اقتصادية

            السلام عليكم

مرحبا بكم من جديد في وصفة جديدة من وصفات مدونة أذواقي، اليوم جبت ليكم طريقة تحضير الرايب البلدي المغربي لفطور رمضان بطريقة بسيطة و اقتصادية

                    المقادير

• لتر من الحليب كامل الدسم 
• دانون ڨاني أو بنكهة الموز
• خميرة فاني وحدة 
• أربعة ملاعق كبار سكر سنيدة 

 

             طريقة التحضير 

1. أول حاجة نقسمو الحليب على نصفين
2. نصف لتر الأول نديروه يفيض فوق البوطة و نزيدو عليه السنيدة ديالنا
3. نصف لتر الثاني نخلطوه مع خمارة ڨاني و دانون و نطربوهم مزيان بالطراب اليدوي
4. بعدما يفيض لينا نصف لتر الأول نحطوه و نبقاو نخويو فه الحليب البارد لي خلطنا مع دانون 
5. نخويو بالتدريج و نطربو مزيان
6. بعدها نديرو الرايب ديالنا في قنينة زجاجية و نسدوها مزيان
7. نجيبو واحد السطل كبير و نديرو فيه ماء ساخن و نحطو فيه القرعة ديال الرايب
8. نغطيو السطل بشي بلاستيكة و نجيبو شي ماطلة أو ملاية قديمة و نغطيو بيها السطل و نحاولو نحتافضو بيه فشي بلاصة سخونة
9. نخليو الرايب ديالنا في السطل ليلة كاملة أو حوالي 12 ساعة و من بعد نجبدوه و نديروه فالثلاجة حتى يبرد و هكذا يكون جاهز للإستعمال

بالنسبة للناس لي باغا رايب بحال ديال المحلبات منين
تخلطو الحليب البارد مع السخون خويوه فالكيسان مباشرة و ديروهم فشي كوكوط كبيرة و خويو فيها ماء ساخن و سدوها و غطيوها مزيان باش تبقا سخونة، خليوه ليلة كاملة كذلك و عاد خرجوه و ديروه فالثلاجة حتى يبرد عاد يكون واجد للإستهلاك

     إذا عجباتكم الوصفة ماتنساوش تشاركوها مع الأصدقاء ديالكم 

          

                     بالصحة والعافية