السلام عليكم
اليوم جبت ليكم طريقة تحضير عصير باناشي لذيذ و ساهل و منعش في فطور رمضان
المقادير
- تفاحة واحدة
- حبة موز واحدة
- حبة إجاص أو بوعويد
- حبة خوخ واحدة
- 3 حبات تمر
- علبة ياغورت أو دانون ڨاني
- أربعة ملاعق كبار سكر سنيدة
- ملعقة صغيرة ماء الزهر
طريقة التحضير
- نغسلو الفواكه ديالنا مزيان
- نحيدو العضوم ديال التمر و نديروه في الخلاط الكهربائي
- نضيفو عليه حبة الموز أو البنان
- نضيفو علبة دانون و نطحنو المكونات مزيان
- ثم نقطعو التفاحة قطع صغيرة و نحيدو العضام بدون تقشيرها و نزيدوها على المكونات في الخلاط الكهربائي
- نقيو حبة بوعويد أو الإجاص من الوسط ديالها و نقطعه قطع صغيرة دون التقشير و نزيدوها كذلك في الخلاط
- نزيدو السنيدة كلها و ملعقة ديال ماء الزهر و نزيدو نصف لتر من الحليب و نطحنو كولشي مزيان
- ثم نزيدو نصف لتر المتبقي و نستمرو في الطحن مزيان
بالصحة والعافية
تعليقات
إرسال تعليق