السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم طريقة تحضير الكيتشوب في المنزل بطريقة سهلة و المكونات متوفرة في المنزل.
مقادير الكيتشوب
- واحد كيلو غرام طماطم
- أربع ملاعق كبيرة من الخل
- نصف كأس ديال العنبة من السكر سنيدة
- نصف كأس ديال العنبة من الماء
- واحد ورقة سيدنا موسى
- نصف ملعقة صغيرة ملح
- ملعقة صغيرة تحميرة
- ملعقة ثوم بودرة
- عود واحد من القرفة
طريقة تحضير الكيتشوب
- أولا نغسلو الطماطم و نقطعو كل حبة على زوج
- نترك الطماطم بالقشرة ديالها
- في إناء نضع الطماطم و الماء و نضيف إليها عود القرفة يكون صاين و ورقة سيدنا موسى
- نضع الإناء فوق النار و نخلوه يطيب مزيان
- بعدها نزيل عود القرفة و ورقة سيدنا موسى
- نضع الطماطم ديالنا في الخلاط الكهربائي و نطحنوها مزيان
- بعدها ندوزوها من المصفاة حتى نحيدو الحبوب و القشرة لي بقات لينا
- بعدها نضع الطماطم لي صفيناها في طنجرة و نضيف إليها الثوم بودوة و التحميرة و الخل و الملح
- ثم نضيف نصف كأس من السكر سنيدة و يمكن إضافة أكثر حسب الذوق
- نخلط الكل جيدا ثم نضع الطنجرة فوق النار
- نترك الخليط ديالنا فوق النار حتى ينشف لينا و يولي كريمي خاتر
- ثم نزلوه من فوق النار و نخلوه حتى يبرد
- ثم نديروه في قنينة زجاجة معقمة و نحتفظ به في الثلاجة
و هكذا صلصة الكيتشوب ديالنا واجدة، نتمنى تعجبكم الوصفة ديال اليوم و تشاركوها مع الناس العزاز عليكم ، كذلك تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة.
بالصحة والعافية
تعليقات
إرسال تعليق