السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم طريقة تحضير البطوبوط على الطريقة المغربية التقليدية كايجي هشيش و لذيذ و كايتحضر بسرعة.
مقادير البطبوط
- واحد كيلو غرام من دقيق الفورص
- نصف كأس ديال العنبة من زيت الزيتون
- ملعقة كبيرة من خميرة الخبز
- ملعقة كبيرة من السكر سنيدة
- قبسة ملح
- ماء دافئ
طريقة التحضير البطبوط
- أَولا نغربلو الدقيق
- نضع الدقيق في إناء العجن أَو قصرية
- نضيف عليه السكر سنيدة و الخميرة و النافع
- نخلط النواشف مزيان
- ثم نضيف الزيت و نبدأ التخليط
- بعدها نرش قبسة الملحو نبدأ في إضافة الماء تدريجيا حتى نجمعو العجينة و نحصلو على عجين رطب و ماكايلسقش في اليدين
- ثم نغطي العجين ببلاستيك غذائي أو بلاستيك عادي و نخلوه يرتاح لمدة نصف ساعة
- بعدما يرتاح لينا العجين و يخمر نرش سطح العمل بالقليل من الدقيق
- ثم نقطع العجين و نبدأ في تشكيل كويرات متوسطة الحجم
- ثم نغطي العجين و نخلوه يرتاح لمدة عشر دقائ
- بعدها نرش سطح العمل بالقليل من الدقيق و نگرصو الكويرات ديالنا مع رشهم بالقليل من الدقيق
- بعدها نسخنو المقلاة الثقيلة أو الطيفال حسب الرغبة و نضغ فيها القليل من الزيت
- ثم نضع البطبوطة ديالنا في المقلاة حتى تحمر من جهة و نقلبوها للجهة الأخرى حتى تحمر كذلك
- نستمر في العملية حتى نكمل البطبوط كامل
و هكذا البطبوط المغربي التقليدي ديالنا واجد، كايجي هشيش و لذيذ، نقدموه مع الزبدة البلدية و العسل، نتمنى تعجبكم الوصفة ديال اليوم و تشاركوها مع الناس العزاز عليكم و ماتنساوش تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة.
بالصحة والعافية
تعليقات
إرسال تعليق