السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم طريقتين لتحضير المايونيز في المنزل طريقة بالبيض و طريقة بدون بيض و المكونات بسيطة و متوفرة في المنزل.
مقادير المايونيز بالبيض
- بيضة واحدة
- كأس ديال العنبة من الزيت
- زوج ملاعق كبيرة من الخل
- قبسة ملح
- قبزة إبزار
طريقة تحضير المايونيز بالبيض
- ناخد الخلاط الكهربائي
- نضع فيه البيض و الخل و الملح و الإبزار
- ثم نخلطو الكل لمدة دقيقتين
- ثم نبدأ في إضافة الزيت تدريجيا مع التخليط دون توقف حتى نحصلو على قوام كريمي خاتر
- نوضعوه في قنينة زجاجية معقمة و نوضعوه في الثلاجة
مقادير المايونيز بدون بيض
- ثلاث حبات فرماج مثلث أو مربع
- كأس عنبة ديال الحليب
- كأس عنبة ديال الزيت
- ملعقة كبيرة من الخل
- قبسة ملح
- قبسة إبزار
طريقة تحضير المايونيز بدون بيض
- ناخذ الخلاط الكهربائي
- نضع فيه البيض و الحليب و الفرماج و الملح و الإبزار
- ثم نخلط الكل لمدة دقيقتين
- بعدها نبدأ في إضافة الزيت تدريجيا مع التخليط دون توقف حتى نكملو الزيت كاملة
- بعدها نضيف الخل و نقوم بالخلط لمدة دقيقتين
- نضع المايونيز ديالنا في قنينة زحاجية معقمة و ندخلوه للثلاجة
و هكذا المايونيز ديالنا بالبيض و بدون بيض واجد، نتمنى تعجبكم الوصفة ديال اليوم و تشاركوها مع الناس العزاز عليكم ، كذلك تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة.
بالصحة والعافية
تعليقات
إرسال تعليق