السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم طريقة تحضير كيكة بالليمون ( البرتقال) و القرفة سهلة و اقتصادية.
مقادير الكيكة
- كأس ديال العنبة من عصير الليمون
- كأس ديال العنبة من السنيدة
- كأس ديال العنبة من الزيت
- أربع بيضات
- زوج خمارات حمراء
- خمارة بيضاء ڨاني
- ملعقة صغيرة من القرفة
- دقيق حسب الخليط حوالي كأسين ديال العنبة و لكن كاتبقى كمية الدقيق حسب نوعية الدقيق
- للتزيين نحتاج نصف كأس ديال العنبة من عصير البرتقال و 3 ملاعق كبيرة من السنيدة
طريقة تحضير الكيكة
- أولا نغربو الدقيق و نحطوه جانبا
- ناخد الخلاط الكهربائي و نضع فيه كأس عصير الليمون
- نضيف السنيدة و خمارة ڨاني
- نضيف الزيت و القرفة
- ثم نخلط كولشي مزيان
- بعدها نضيف البيض و نستمرو في التخليط حتى يمتزج الخليط جيدا
- بعدها نضع الخليط في إناء و نضيف عليه الدقيق و الخمارات و نطربو كولشي مزيان بالطراب الكهربائي أو اليدوي
- بعدها ناخد المول ديالنا ندهنوه بالزيت و نرشوه بالدقيق
- نخويو الخليط في المول و نسخنو الفرن مزيان و ندخلوه للفرن يطيب
- نطيبوه من التحت ثم من الفوق حتى تحمر الكيكة من الفوق و نخرجوها
- نترك الكيكة تبرد و نمشيو نوجدو السيروم ديالنا لي غادي نسقيو بيه الكيكة
- في إناء نضع عصير الليمون (البرتقال) ديالنا و نضيف إليه السنيدة و نخلطو مزيان ثم نضعهم فوق النار مع التحريك حتى يتقال الخليط و يولي معسل
- نترك السيروم يبرد ثم نسقي بيه الكيكة ديالنا بعدما تكون بردات
- ثم ندخلو الكيكة للثلاجة حوالي ساعة أو أكثر حتى تبرد و نخرجوها
و كهذا الكيكة بالليمون و القرفة ديالنا واجدة كاتجي هشيشة و لذيذة، نتمنى تعجبكم الوصفة ديال اليوم و تشاركوها مع الناس العزاز عليكم، كذلك تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة.
بالصحة و العافية
تعليقات
إرسال تعليق