السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم طريقة تحضير كيكة بالكاكاو مع صوص رائعة كاتجي هشيشة و كاتذوب فالفم.
مقادير كيكة بالكاكاو
- كأس ديال العنبة من الحليب أو كأس دانون ڨاني
- كأس ديال العنبة ماعامرش من الكاكاو المر
- ثلاث بيضات
- كأس ديال العنبة ماعامرش من السنيدة
- كأس ديال العنبة ماعامرش من الزيت
- كأس ديال العنبة ماعامرش من الدقيق الفورص
- خمارة حمراء ديال الحلوة
- خمارة بيضاء ڨاني
طريقة تحضير كيكة بالكاكاو
- أولا نغربلو الدقيق
- ناخدو الخلاط الكهربائي باش نخدمو بيه الكيكة
- نديرو الزيت و السنيدة في الخلاط الكهربائي
- ثم نضيف عليهم دانون أو الحليب غير لي عجبكم فيهم خدمو بيه
- نضيف ساشي ڨاني
- ثم نضيف الكاكاو و نخلطو كولشي مزيان لمدة دقيقتين
- بعدما نخلط كولشي مزيان ناخدو نصف كأس ديال العنبة من الخليط لي حصلنا عليه و نديروه في الثلاجة
- نخلو الباقي في الخلاط الكهربائي
- نضيف عليه البيض و نخلطو كولشي مزيان
- بعدها نضيف الدقيق و خمارة ديال الحلوة
- و نخلطو كولشي لمدة دقيقتين
- ثم ناخدو المول سواء لي خاوي من الوسط أو العادي
- ندهنو المول بالزيت و نرشوه بالقليل من الدقيق ثم نوضعو فيه الخليط ديالنا
- ندخلوه للفرن يكون بارد نشعلو عليه من التحت حتى يطيب ثم نطفيو عليه من التحت و نطيبوه من الفوق
- بعدها نخرج الكيكة من الفرن و نوضعوها في طبق
- نخرج الكأس لي فيه الخليط لي عزلنا من الثلاجة و ندهنو بيه الكيكة ديالنا من الفوق و من الجوانب
- ثم ندخلوها للثلاجة حتى تبرد مزيان و نقدموها
و هكذا كيكة بالكاكاو ديالنا وجدات، نتمنى تعجبكم الوصفة ديال اليوم و تشاركوها مع الناس العزاز عليكم ، و ماتنساوش تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة.
بالصحة والعافية
تعليقات
إرسال تعليق