السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم بغرير ناجح و سهل و يحضر في دقائق و كايجي متقب و هشيش و أي واحد يقدر يصايبو.
مقادير البغرير
- ثلاثة كؤوس ديال العنبة من دقيق الفينو الممتاز
- ملعقة صغيرة من خميرة الخبز
- معلقة صغيرة من الملح
- ملعقة كبيرة من خميرة الحلويات
- ثلاثة كؤوس و نصف ديال العنبة من الماء الدافئ
طريقة تحضير البغرير
- أولا نغربلو الدقيق من الشوائب
- نضع الماء و الدقيق في الخلاط الكهربائي
- ثم نضيف خميرة الخبز و الملح
- بعدها نخلطو كولشي مزيان لمدة ثلاث دقائق
- ثم نضيف خميرة الحلويات و نخلطو لمدة دقيقة
- بعدها مباشرة نسخن المقلاة طيفال
- و نبدا ناخد مغرفة متوسطة من الخليط و نسرحوه فوق المقلاة
- و نخلوه حتى يبان لينا نشفات البغريرة من الفوق و طابت ثم نحيدوها
- نستمر في نفس العملية حتى نكملو الخليط كامل
- ضروري نسخنو المقلاة مزيان باش مايلسقش لينا البغرير و نخلطو الخليط مزيان بالخلاط الكهربائي
و هكذا البغرير ديالنا واجد كايكون سهل في التحضير و كايجي متقب و هشيش، نتمنى تعجبكم الوصفة ديال اليوم و تشاركوها مع الناس العزاز عليكم ، كذلك تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة.
بالصحة والعافية
تعليقات
إرسال تعليق