السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم طريقة إزالة البقع الصعبة من الملابس سواء كانت صدأ او لاگريس أو زيوت أو اي كان.
مقادير الوصفة الأولى
- كأسين كبار من الماء المغلي
- ملعقة كبيرة من الملح
- عصير حامضة واحدة
- ملعقة كبيرة من بيكربونات الصوديوم
- ملعقتين كبيرتين من الخل
طريقة الإستخدام
- ناخد بانيو و ندير فيه قطعة الملابس لي فيها البقع الصعبة
- ثم ناخد الماء المغلي و يكون سخون بزاف و نضيف ليه الملح
- ثم نعصر عليه الحامضة و نضيف الخل
- ثم أخيرا نضيف بيكربونات الصوديوم
- اللحظة لي نضيف بيكربونات الصوديوم غادي يفيض لينا المحلول ثم نخويوه بالزربة على البقع لي عندنا
- ثم نخلوه مرقد لمدة ساعة
- بعدها نخرجوه و نغسلوه عادي بمسحوق الغسيل ديالنا
مقادير الوصفة الثانية
- ملعقتين كبيرتين من مسحوق الغسيل أي نوع ممكن نخدمو بيه
- عصير حامضة واحدة
طريقة الإستخدام
- أولا هذه الوصفة تصلح للملابس لي تصبغات لينا بالخرقوم أو الزعفران و مابغاش يتحيد
- ناخد مسحوق الغسيل و نعصر عليه الحامضة
- ثم نخلطهم مزيان م نوضعهم فوق اليقع ديالنا و نخلوهم مدة 20 دقيقة
- بعدها نحيدو الخليط من فوق البقع و نغسلوهم عادي بمسحوق الغسيل و نشللوهم
نتمنى تكون عجباتكم الوصفات ديال اليوم و تشاركوها مع الناس العزاز عليكم ، كذلك تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة
و السلام
تعليقات
إرسال تعليق