السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم طريقة تحضير الفرماج الأحمر أو الشيدر في المنزل بطريقة سهلة و مكونات متوفرة في المنزل.
مقادير الفرماج الأحمر
- لترين من الحليب كامل الدسم
- صفار بيضتين
- خمس قطع فرماج مثلث أَو مربع
- ملعقة كبيرة زبدة
- ملعقة صغيرة بيكربونات الصوديوم
- ملح حسب الذوق
طريقة تحضير الفرماج الأحمر
- أولا نضع الحليب في إناء و نغطوه و نتركوه حتى يروب و ينفصل الماء عن الحليب
- ثم نضعه فوق النار و نحركو بشوية حتى ينفصل لينا الفرماج على الماء
- ثم نستخدم ثوب شفاف و نصفيو الفرماج من الماء
- ثم نخلوه في الثوب حتى يبرد و نعصروه مزيان
- بعدها نضع الفرماج ديالنا في إناء و نضيف صفار البيض و الزبدة و الفرماج و الملح و بيكربونات الصوديوم
- ثم نخلط الكل جيدا
- بعدها نضع الإناء فوق نار مهيلة و نستمر في التحريك دون توقف حتى يتجمع لينا الخليط شوية ماشي ينشف غير يتجمع شوية و ياخد اللون الأصفر قليلا
- ثم نضعه في إناء بلاستيكي و نسرحوه مزيان و نقادوه من الفوق حتى يولي مسطح
- ثم ندخلوه للثلاجة و يترك لمدة ليلة كاملة ثم يصبح صالح للإستهلاك
و هكذا الفرماج الأحمر ديالنا أو الشيدر واجد، كايجي لذيذ و الطعم ديالو شبيه بالفرماج ديال الزنقة، من بين الكثير من الوصفات هذه الوصفة كانت الأفضل و نالت الإعجاب ديالي لأن المذاق شبيه بالفرماج ديال الزنقة، نتمنى تعجبكم الوصفة ديال اليوم و تشاركوها مع الناس العزاز عليكم ، كذلك تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة.
بالصحة والعافية
تعليقات
إرسال تعليق