السلام عليكم
مرحبا بكم معنا في وصفة جديدة من وصفات موقعكم اذواقي ، اليوم جبت ليكم طريقة تحضير حساء الخضر أو شوربة الخضر الصحية و السهلة و المكونات متواجدة في المنزل.
مقادير حساء الخضر
- زوج حبات جزر
- حبة بطاطس متوسطة الحجم
- زوج حبات گرعة خضراء كورجيت
- حبة بصل كبيرة
- حبة فلفل أخضر
- حبة طماطم كبيرة
- زوج ملاعق كبيرة معدنوس و ملعقة قزبر
- ملعقة صغيرة زنجبيل و ملعقة كمون و خرقوم بلدي و إبزار
- ملح حسب الذوق
- ماء دافئ
طريقة تحضير حساء الخضر
- نقوم بغسل الخضر جيدا بالماء
- نقشر البطاطس و نقوم بتقطيعها قطع صغيرة
- نقشر البصلة و نشلضوها رقيقة
- نقشر الجزر و نقطعوه قطع صغيرة
- نقطع الگرعة كورجيت دوائر
- نقطع حبة طماطم دون تقشيرها باش نستفيد من الألياف
- نقطع الفلفل قطع صغيرة
- نشلضو القزبر و المعدنوس
- بعدها نضع القليل من زيت الزيتون في طنجرة و نضعها فوق النار
- نضيف البصل ثم الفلفل الأخضر و نشرملوهم شوية ثم نضيف الجزر و البطاطس
- بعدها نضيف القزبر و المعدنوس
- ثم نضيف الگرعة كورجيت و الطماطم و التوابل و الملح حسب الذوق
- ثم نشرملوهم شوية و نضيف الماء الدافئ حتى يغطي لينا الخضر
- ثم نغطو الطنجرة و نخلو الكل يطيب مزيان
- بعدما يطيب لينا مزيان و ينشف شوية من الماء نطفيو عليه و نخلوه يبرد مزيان
- بعدما بيرد لينا الخليط نطحنو كولشي بالخلاط الكهربائي أو الطراب الكهربائي
- ثم نرجع الحساء ديالنا فوق النار يسخن و نقدموه ساخن
و هكذا الحساء بالخضر أو الشوربة واجدة، كاتجي لذيذة و صحية و تليق للريجيم و كذلك للأطفال الرضع، نتمنى تعجبكم الوصفة ديال اليوم و تشاركوها مع الناس العزاز عليكم ، كذلك تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة.
بالصحة والعافية
تعليقات
إرسال تعليق