السلام عليكم
مرحبا بكم معنا في شهيوة جديدة من شهيوات موقعكم اذواقي ، اليوم جبت ليكم طريقة تحضير بريوات أو سيكار بالدجاج و الفرماج و الخضر في الفرن و بمكونات بسيطة و الطريقة سهلة و بدون الحاجة إلى الشعرية الصينية.
مقادير البريوات
- أربعة أوراق ديال البسطيلة
- زوج بصلات متوسطين
- حبة فلفل كبيرة
- 500 غرام صدر الدجاج
- ثلاث حبات جزر محكوكة على شكل شرائح طويلة
- ملعقة كبيرة قزبر و ملعقة معدنوس
- ملعقتين كبيرتين زبدة دائبة
- بيضة واحدة
- ملعقة صغيرة من كل من الإبزار و الزنجبيل و الخرقوم البلدي و الكمون و التحميرة أو الفلفل الأحمر الحلو
- ضفرين من الثوم
- أربع ملاعق زيت الزيتون
- ملح حسب الذوق
- فرماج المودزريلا
طريقة تحضير البريوات
- أولا نديرو صدر الدجاج أو لاداند في إناء و نضيف عليه ملعقة زيت الزيتون
- نضيف عليه كل التوابل و قبسة ملح
- نضيف القزبر و المعدنوس و الثوم
- نترك الدجاج يترقد لينا شوية فالتوابل
- ندوزو نشلضو البصل و الفلفل
- نضع ثلاث ملاعق من زيت الزيتون في مقلاة و نضيف عليهم البصل و الفلفل
- نديروهم فوق النار و نضيف عليهم الملح و نشحروهم شوية
- ثم نضيف الجزر لي حكيناه
- بعدها نضيفو عليهم الدجاج لي رقدنا و نشحروهم شوية
- بعدها نضيف نصف كأس من الماء و نخليوهم فوق النار حتى ينشفو لينا من الماء و نطفيو عليهم
- نحطوهم جانبا حتى يبردو تماما حيتاش في حالة كانو سخان الورقة غادي تقطع
- بعدما تبرد لينا الحشوة
- ناخد الوقة و نقطع كل وحدة فيهم على أربعة
- غادي نحصلو على قطع على شكل مثلث
- ناخدو كل قطعة و نسرحوها و ندهنوها بالزبدة لي دوبنا
- ثم نضع الحشوة في الخلف ديال الورقة و ماشي في الرأس ديال الورقة
- و ضروري تكون الحشوة نشفات من الماء و باردة باش ماتخسرش لينا الورقة
- نحكو الفرماج ديالنا و نديرو شوية منو فوق الحشوة
- نطوي زوج جناب ديال المثلث لي عندي نغطيو بيهم الحشوة
- ثم نلف من الخلف حتى نوصلو للرأس ديال الورقة
- ناخدو صفار البيضة و ندهن بيه رأس الورقة باش يلصق لينا الرأس مع السيكار ديالنا
- و هكذا نحصلو على سيكار كما في الصورة
- بعدما نكملو البريوات ديالنا كاملين نديروهم في اللاطة
- ندهنوهم من الفوق بصفار البيض المتبقي
- ندخلوهم للفرن على نار متوسطة باش يتقرمشو
- نطيبوهم من التحت ثم الفوق حوالي 30 دقيقة
و هكذا البريوات أو السيكار ديالنا واجدين، نتمنى تكون عجباتكم الوصفة، و ماتنساوش تشاركوها مع الناس العزاز عليكم ، و اشتركو في المدونة باش يوصلكم كل جديد ،و تابعونا على الفيسبوك و الإنستغرام باش توصلو بالجديد و الروابط كذلك.
بالصحة والعافية
تعليقات
إرسال تعليق