السلام عليكم
مرحبا بكم معنا في شهيوة جديدة من شهيوات موقعكم اذواقي ، اليوم جبت ليكم طريقة تحضير شوصون بالدجاج و الفرماج ، سهل و صحي و بمكونات متوفرة في المنزل و بطريقة سهلة.
مقادير شوصون
أولا للعجين نحتاج
- نصف كيلو دقيق الفورص
- ملعقتين حليب بودرة
- ملعقة كبيرة زيت الزيتون
- ملعقة صغيرة خميرة الخبز
- ملعقة صغيرة ملح
- ملعقة كبيرة سكر سنيدة
- ماء دافئ
ثانيا للحشوة نحتاج
- حبتين بصل متوسطتين
- حبة فلفل أخضر
- 250 غرام صدر الدجاج
- ملعقة كبيرة قزبر و ملعقة معدنوس
- زوج ضروس ثوم
- ملعقة صغيرة من الإبزار و ملعقة زنجبيل و ملعقة خرقوم بلدي
- فرماج مودزريلا أو فرماج أحمر
- ملح و زيت المائدة
- بيضة واحدة
طريقة تحضير شوصون
- أولا نحضرو العجين
- نغربلو الدقيق ديالنا مزيان
- ثم نديروه في إناء و نضيف عليه الحليب بودرة و الملح و السكر
- ثم نضيف الخميرة و نخلطو مزيان
- بعدها نضيف زيت الزيتون و نخلطو مزيان
- ثم نبقاو نضيفو الماء الدافئ تدريجيا حتى يتجمع لينا العجين
- و بدون ماندلكو العجين
- نغطيو العجين ديالنا و نتركوه لمدة نصف ساعة حتى يخمر
- الآن ندوزو نوجدو الحشوة
- ناخدو حبتي البصل و نشلضوهم رقاق
- نضع زيت المائدة في المقلاة و نضيف البصل
- ثم نرشه بقبسة ملح و نخليوها تشحر شوية
- ثم نقطع الفلفل قطع صغيرة و نضيفه مع البصل
- ثم نضيف صدر الدجاج
- نضيف التوابل و القليل من الملح
- نضيف القليل من الماء و نغطيو المقلاة ديالنا و نخليوهم يتشحرو مزيان
- بعدما يتشحرو و ينشفو لينا من الماء نحطوهم يبردو
- نرحع للعجين ديالي بعدما خمرات
- نسرحها بالمدلك حتى نحصل على عجينة رقيقة
- ناخدو الطابع أو زلافة و نقطعو العجين دوائر صغيرة
- بعدما تكون الحشوة نشفات من الماء نجيبوها و نبداو نخدمو شوصون ديالنا
- ناخدو ملعقة كبيرة من الحشوة و نديروها فوق العجين و في الوسط بالضبط
- نجيبو الجبن مودزريلا أو فرماج أحمر لي نكونو حكيناه من قبل و نضيف شوية منو فوق الحشوة
- ناخدو طرف العجين و نجمعوه مع الطرف الآخر
- نجيبو فورشيط و نضغطو على العجين حتى يتجمع لينا مزيان و يتسد لينا شوصون كيفما هو واضح في الصورة في الأعلى
- نخدمو كل عجين بنفس الطريقة حتى نكملوهم
- بعدما نكونو شكلنا شوصون ديالنا كاملين
- نديروهم في اللاطة و ندهنوهم بصفار بيضة
- ثم ندخلوهم للفران لي يكون سخون و بحرارة متوسطة
- نطيبوهم من التحت ثم من الفوق حتى يتحمرو و نخرجوهم
و هكذا شوصون بالدجاج و الفرماج ديالنا واجد، نتمنى تعجبكم الوصفة ديال اليوم، و ماتنساوش تشاركوها مع الأصدقاء ديالكم ، و كذلك اشتركو في المدونة باش يوصلكم الجديد و تابعونا على فيسبوك و إنستغرام لي كانحطو فيهم روابط الوصفات ديالنا.
بالصحة والعافية
تعليقات
إرسال تعليق