السلام عليكم
مرحبا بكم معنا في شهيوة جديدة من شهيوات موقعكم اذواقي ، اليوم جبت ليكم معجنات رمضان على شكل فطائر بالشكلاط و لي سهلة وماكاتاخدش الوقت بزاف كاتجي رطبة وهشيشة و المكونات متوفرة في المنزل.
مقادير الفطائر بالشكلاط
- 500 غرام دقيق الفورص
- ثلاث ملاعق كبيرة من الحليب بودرة نيدو
- ملعقتين كبيرتين من السكر سنيدة
- نصف كأس العنبة من الزيت
- ملعقة صغيرة خميرة الخبز
- ملعقة صغيرة من الملح
- حوالي زوج كيسان كبار ديال الحليب دافئ
- شكلاط نوتيلا أو أي شكلاط صالح للدهن
- صفار بيضة واحدة
- القليل من الزنجلان للتزيين
طريقة تحضير الفطائر بالشكلاط
- أولا ناخدو الخلاط الكهربائي
- نديرو فيه الحليب الدافئ ديالنا
- ثم نضيفو عليه السنيدة و الملح
- ثم نضيف الخميرة و الحليب نيدو
- ثم نضيف زوج كيسان كبار من الدقيق
- نخلطو كولشي بالخلاط الكهربائي مزيان
- ثم نوضعوه في إناء
- نضيف عليه نصف كأس العنبة من الزيت
- ثم نبداو نزيدو فالدقيق تدريجيا و نستمرو في العجن مع إضافة الدقيق حتى تجمع لينا العجينة
- بعدنا تجمع العجينة كاتكون طرية و رطبة
- نغطيوها ببلاستيك غذائي و نخلوها ترتاح لمدة 20 دقيقة أو أكثر
- بعدما ترتاح لينا العجينة
- ناخدها و نقطعها على شكل قطع صغيرة
- ناخد كل قطعة نسرحها شوية غير باليدين و نوضع وسطها ملعقة ديال الشكلاط نوتيلا أو أي شكلاط صالح للدهن
- ثم نجمعها من الأطراف و نشكل منها شكل دائري باستخدام اليدين
- نضغط على الكويرة لي شكل شوية باليد و نديرها فاللاطة
- نستمرو في العملية حتى نكملو العجين كامل
- بعدما نكونو خدمنا العجين كامل و وضعنا الفطائر ديالنا في اللاطة
- ناخدو صفار بيضة واحدة و نطربوه و ندهنو بيه الفطائر من الفوق
- ثم نرشوهم بالزنجلان و ندخلوهم للفرن لي نكونو سخناه مزيان
- نطيبوهم من التحت ثم من الفوق حتى يتحمرو و نخرجوهم
و هكذا الفطائر بالشكلاط ديالنا واجدين، نتمنى تعجبكم الوصفة ديال اليوم و تشاركوها مع الناس العزاز عليكم ، و خلو لينا تعليق كيف جاتكم الوصفة، و ماتنساوش تشتركو معنا في المدونة باش يوصلكم الجديد و تابعونا صفحة اذواقي على الفيسبوك و الإنستغرام
بالصحة والعافية
تعليقات
إرسال تعليق