السلام عليكم
مرحبا بكم معنا في وصفة جديدة على موقعكم اذواقي ، اليوم جبت ليكم طريقة تحضير عصير القرع الأخضر بالحليب بحال لافوكا و سهل جدا و اقتصادي.
مقادير عصير القرع الأخضر
- لتر من الحليب
- 500 غرام من القرع الأخضر أو كورجيت
- دانون بنكهة لافوكا أو بيستاش
- خنيشة ديال ڨاني
- زوج ملاعق سكر سنيدة
طريقة تحضير عصير القرع الأخضر
- أولا نغسلو الگرعة ديالنا مزيان و نقيوها ثم نقطعوها دوائر صغار
- ثم نديروها في الكسكاس و نبخروها لمدة قصيرة حتى ترطاب و نطفيو عليها و مانخلوهاش حتى تهرا
- من الأفضل نستعملو الكسكاس العادي و مانديروش ديال الكوكوط باش ماتهراش لينا الگرعة
- من بعد ماتكون وجدات لينا الگرعة
- نخلوها تبرد شوية ثم نديروها في الخلاط الكهربائي
- نضيف عليها ساشي ديال الڨاني و السكر سنيدة
- ثم نضيف دانون ديالنا
- ثم نضيف كأس من الحليب
- ضروري نضيف غير كأس من الحليب مانضيفوهش كامل في اللول
- بعدما نضيف كأس الحليب نطحنو كولشي مزيان
- بعدها نضيف الحليب المتبقي و نستمر في الطحن
- بعدما نطحنو كولشي مزيان نجيبو صفاي و نصفيو العصير ديالنا
- نضع العصير في قنينة و ندخلوه للثلاجة حتى يبرد
و هكذا العصير ديال القرع الأخضر وجد لينا كايجي لذيذ و رخيص بزاف على ديال لافوكا، و في حالة بغيتو تديرو لتر من الحليب ماعليكم غير تضاعفو الكمية ديال كل حاجة من المقادير.
نتمنى تكون عجباتكم الوصفة ديال اليوم و ماتنساوش تشاركوها مع الناس العزاز عليكم ، كذلك تابعونا على فيسبوك و إنستغرام باش توصلو بالجديد و خليو لينا تعليق كيف جاتكم الوصفة
بالصحة والعافية
تعليقات
إرسال تعليق