السلام عليكم
مرحبا بكم في شهيوة جديدة من شهيوات رمضات 2020 و المقدمة من طرف موقعنا أذواقي، اليوم جبت ليكم طريقة تحضير الكريب الحلو بطريقة سهلة و بمكونات بسيطة
المقادير
- 250 غرام دقيق الفورص
- نصف لتر من الحليب
- 3 بيضات
- 50 غرام زبدة
- ملعقة كبيرة ماء الزهر
- نصف ملعقة صغيرة ملح
- ساشي فاني
طريقة التحضير
- أولا نغربو الدقيق ديالنا
- ثم نديروه في إناء و نخلط معاه السكر و الملح
- نضيفو ساشي ديال الڨاني
- ثم نخلطو كولشي مزيان
- كانضيفو ماء الزهر ثم البيض ثم الزبدة
- ونبداو نخلطو كولشي بالخلاط اليدوي
- بعدما خلطنا كولشي نبداو نضيفو الحليب
- نضيفوه بطريقة تدريجية و نحركو بدون توقف
- بعدما نكون ضفنا الحليب كامل كانحصلو على خليط بحال ديال البغرير
- ناخدو صفاية و نصفيوه من الكريات لي يقدرو يكونو فيه
- ثم ندخلو الخليط للثلاجة و نخلوه يرتاح لمدة ساعة و نصف
- بعدما يرتاح لينا الخليط نخرجوه و نوجدو المقلاة طيفال
- ندهن المقلاة بالقليل من الزبدة
- ثم ناخدو مغرفة من الخليط و نديروها فوق المقلاة لي ضروري تكون طيفال باش ماتلسقش لينا الكريب ديالنا
- بعدما نكون خدينا مغرفة من الخليط و درناها فوق الملقة
- نحاولو نميلو المقلاة باش يتسرح لينا الخليط فوقها بطريقة متساوية بحال الطريقة ديال البغرير
- ضروري نبقاو واقفين على الكريب حينتي كايطيب بزربة
- نبقاو نقلبو شوية من الجوانب باش نشوفو واش بدات كاتحمر من الأسفل
- بعدما تحمر لينا من الأسفل نقلبها للجهة الأخرى
- نبقاو نقلبو شوية و نطلو عليه من الأسفل حتى يبان لينا تحمر و نحيدوه
- نستمرو في العملية حتي نكملو الخليط ديالنا كامل
- و النتيجة راه كاتشوفوها في الصورة
و كهذا الكريب ديالنا واجد، نتمنى تعجبكم الوصفة و تشاركوها مع الناس العزاز عليكم، و ماتنساوش تشتركو معنا في المدونة باش يوصلكم كل جديد و ديرو إعجاب لصفحتنا على الفيسبوك لي كانحط عليها الجديد ديال الموقع و كذلك ديرو متابعة للحساب ديالنا على إنستغرام باش يوصلكم كل جديد
بالصحة والعافية
وصفات لذيذة وفي المتناول تبارك الله عليكم
ردحذفربي يحفضك شكرا على الدعم ديالك
حذف