السلام عليكم
مرحبا بكم معنا في وصفة جديدة على موقعكم اذواقي، اليوم غادي نحضرو ميني بيتزا بمكونات بسيطة و بطريقة سهلة وماكاتاخدش الوقت بزاف
المقادير
- ثلاثة كؤوس ديال دقيق الفورص
- زوج ملاعق كبار حليب بودرة نيدو و يمكن نستغني عليه إذا ماكانش
- ملعقة صغيرة خميرة الخبز أو الخميرة الفورية
- ملعقة صغيرة خميرة الحلوة
- نصف كأس العنبة ديال زيت الزيتون
- ملعقة كبيرة ديال الزبدة
- رشة ديال الزعتر
- علبة تونة صغيرة أو 200 غرام صدر الدجاج أو كفتة كاتبقا الحشوة اختيارية
- زوج حبات ديال الطماطم
- ملعقة طماطم معلبة
- ثلاث حبات فلفل أخضر و يمكن استعمال الأصفر أو الأحمر
- زوج ملاعق زيتون مجعوب مقطع حلقات
- شوية ديال الزيتون الأسود
- فرماج موزاريلا أو فرماج أحمر أو أي نوع بغيتو تستعملو و القياس كايبقا على حسبكم نتوما شحال باغين تديرو منو
- إبزار و زنجبيل و كمون و فص ديال الثوم و ملعقة قزبر و ملح
- ماء دافئ
طريقة التحضير
أَولا نحضرو العجين
- غادي نخلطو الدقيق مع ملعقة صغيرة ديال الملح و الحليب بودرة
- نضيف الخميرة و خميرة الحلوة و سكر سنيدة
- نضيف الزيت و ملعقة الزبدة
- نديرو رشة ديال الزعتر و نجمعو العجين ديالنا بالماء الدافئ بشرط نحصلو على عجينة رطبة و ماقاسحاش و مامرخوفاش بزاف تاني
- نغطيو العجين ديالنا ببلاستيك غذائي و نخلوه حتى يخمر و يتنفخ
ثانيا نحضرو الصوص ديالنا
- نحكو مطيشة ديالنا فالحكاكة
- نديرو زوج ملاعق زيت زيتون فالمقلاة و نحطوها فوق النار و نضيفو عليهم الطماطم لي حكينا
- نضيف ملعقة طماطم معلبة
- نضيف فص الثون و ملعقة صغيرة إبزار و زنجبيل و ملعقة صغيرة كمون
- نضيف ملعقة صغيرة قزبر ثم الملح و نطيبو لاصوص ديالنا واحد شوية و نحطوها جانبا
ثالثا نحضرو الحشوة
- ناخدو حبات الفلفل نقيوهم و نقطعوعم مربعات صغيرة مانحتاجوش نطيبوها حينتي بغينا البيتزا ديالنا توجد بسرعة
- نحيدو العضوم للزيتون الأسود
- في حالة درتو الكفتة أو صدور الدجاج غادي تشرملوهم مع القليل من الزيت و الملح و في حالة درتو الطون غادي غير نصفيوه من الزيت
بعدما وجدنا كولشي دب ندوزو نوجدو البيتزا ديالنا
- أولا نخرج العجين و نسرحوه بالمدلك بشرط نحصلو على عجين مارقيقش بزاف و ماغليضش ثاني
- ناخدو الطابع ديالنا أو زلافة و نقسمو العجين على شكل دواور صغار
- نديرو شوية ديال دقيق الفينو فلاطة و نديرو فيها ميني بيتزا ديالنا
- بعدها نجيبو لاصوص و ندهنو البيتزات ديالنا بلاصوص
- ثم نديرو شوية ديال الفرماج فوقهم باش يشد لينا الحشوة ماطيحش
- نديرو الفلفل فوق البيتزات ديالنا ثم نديرو فوقهم الطون أو الكفتة أو صدور الدجاج
- نضيف الزيتون حلقات
- نضيف الفرماج من الفوق
- ثم زيتونة سوداء فوق كل ميني بيتزا
- نسخن الفرن ديالنا مزيان و ندخلو ليه البيتزا ديالنا
- نطيبوهم من الفوق و التحت
و هكذا ميني بيتزا ديالنا وجدات ، حاولت ما أمكن نخلي
الوصفة بسيطة و ساهلك و تكون اقتصادية، بالنسبة للبيتزا لي فالصورة راه ستغنيت على الزيتون الأسود و ممكن تستغنو عليه حتى نتوما
المهم نتمنى الطريقة تكون عجباتكم و نتمنى تجربوها، و ماتنساوش تشتاركو فالمدونة باش يوصلكم كل جديد و ديرو إعجاب لصفحتنا على الفيسبوك صفحة اذواقي ماعليكم غير تضغطو على أيقونة الفيسبوك أعلى الموقع باش ياخدكم للصفحة ديالنا في الفيسبوك، و ماتنساوش كذلك تشاركوها مع الناس العزاز عليكم
بالصحة والعافية
واش كتحطي عليها الحشوة قلل ماديري للعجينة نصف طيبة
ردحذفاه غير ديريهم في لاطة و ديري فوقها الحشوة و حتى الفلفلة ديريها خضرا
حذف