السلام عليكم
مرحبا بكم معنا على موقع اذواقي ، اليوم جبت ليكم شهيوة جديدة و هي عبارة عن تحلية الكؤوس باردة و ساهلة و غادي نحضروها بمكونات بسيطة و غير مكلفة
المقادير
- نصف لتر من الحليب
- ملعقة نشا أو مايزينا
- ملعقة بودرة الكاكاو المر
- زوج ملاعق سنيدة
- نصف ساشي ديال فلو شوكولا
- حبة موز أو تفاحة أو أي فاكهة للتزيين
طريقة التحضير
- أولا نجيبو واحد القدر أو گميلة باش نخدمو فيها
- نخويو الحليب في القدر و نضيفو عليه السنيدة
- نضيفو الكاكاو ثم ملعقة النشا أو مايزينا
- ثم نضيفو نصف ساشي ديال الفلو
- بعدها نديرو القدر ديالنا فوق النار و نبقاو نحركو مزيان
- نستمر في التحريك دون توقف حتى يختار لينا الخليط
- بعدها نجيبو كيسان ديالنا و نخويو فيهم الخليط و نديروه فالثلاجة
- بعد مايبرد مزيان نخرجوه و ناخدو الموزة أو الثفاحة أو أي فاكهة اخترتو للتزيين و نقطعوها قطع صغيرة و نديروها من الفوق
و هكذا التحلية ديالنا وجدات، نقدموها باردة مع الفطور أو السحور و كاتجي رائعة و لذيذة و المقادير راه بسيطة و اقتصادية
ماتنساوش تشاركو التحلية مع الناس العزاز عليكم، و اشتركو في المدونة باش يوصلكم كل جديد شهيواتنا و وصفاتنا
و ترقبونا في موضوع جديد على موقعنا اذواقي
بالصحة والعافية
تعليقات
إرسال تعليق