السلام عليكم
مرحبا بكم معنا على موقع اذواقي، اليوم موعدنا مع شهيوة جديدة من شهيوات رمضات 2020 و هي المعقودة لي الكل كايعرفها و غادي نحضروها بطريقة بسيطة و رخيصة
المقادير
- نصف كيلو بطاطس
- بيضة واحدة
- فص كبير من الثوم
- ملعقة صغيرة قزبر و معلقة معدنوس
- 200 غرام دقيق الفورص
- ملعقة صغيرة إبزار و ملعقة خرقوم بلدي و ملعقة تحميرة و ملعقة زنجبيل و ملعقة كمون
- ملعقة صغيرة ملح
طريقة التحضير
- أولا تسلقو البطاطس بالقشرة ديالها ثم نقيوها
- نوضعوها فواحد الإناء و نهرسوها بالفورشيط أو نحكوكها فالحكاكة مزيان حتى نحصلو على عجين
- نضيفو عليها البيضة
- ثم نضيفو القزبر و المعدنوس و الثوم
- نضيفو التوابل و الملح و نخلطو كولشي حتى يمتازج الخليط
ملاحظة : يمكن إضافة الملح إذا اقتضى الأمر حسب الذوق
- ندهنو اليدين بالقليل من الزيت باش نشكلو الكويرات ديالنا
- ثم نبداو نشكلو كويرات و نضغطو عليهم
- نستمرو فالعملية حتى نكملو العجين
- بعدها نديرو الكويرات ديالنا فالدقيق و نوجدوهم باش يتقلاو
- نديرو الزيت في المقلة و نخليوها حتى تسخن مزيان بشرط يكون الزيت غزير شوية
- نبداو نقليو فالمعقودة ديالنا و نخليوها حتى تاخذ اللون الذهبي و نحطوها
و هكذا المعقودة ديالنا وجدات
نتمنى تكون عجباتكم الوصفة، و ماتنساوش تشاركوها مع
الأصدقاء ديالكم إذا عجباتكم
بالصحة والعافية
دون المستوى و سمحولي،
ردحذفشكرا على الرأي ديالك
حذف