السلام عليكم
مرحبا بكم معنا في شهيوة جديدة من شهيوات رمضات 2020 المقدمة من طرف موقعنا أذواقي، اليوم جبت ليكم طريقة تحضير الفرماج في المنزل و بمكونات بسيطة و صالح الدهن أيضا
المقادير
- نصف لتر من الحليب سليم
- كأس كبير ديال النشا ( مايزينا)
- 45 غرام ديال الزبدة العادية
- أربعة حبات ديال الفرماج المثلث أو المربع
- ملعقة صغيرة ملح
- ملعقة كبيرة خل سواء أبيض أو الخل العادي
طريقة التحضير
- أولا نديرو الحليب ديالنا فواحد القدر أو گميلة
- ناخدو العلبة ديال الحليب و نقطعوها من الفوق و نغسلوها و نشفوها مزيان
- بعدها نضيفو النشا على الحليب و نبقاو نطربو مزيان بالطراب اليدوي
- نضيفو بعدها الملح ثم الزبدة و نستمر في التحريك مزيان
- نضيفو الخل
- نضيفو الفرماج ديالنا و نطربو مزيان
- بعدها نديرو الخليط في الخلاط الكهربائي و نطحنوه مزيان
- نرجعو الخليط للقدر لي خلطنا فيه و نديروه فوق النار بشرط نكون نار مهيلة بزاف
- نستمر في تحريك الخليط دون توقف حتى يعقاد
- غادي يحتاج خمسة دقايق أو أكثر باش يعقاد
- بعدما يعقاد و ياخد قوام ديال الكيكة نخويوه مباشرة في العلبة لي وجدنا ماحدو باقي سخون
- نديرو الفرماج ديالنا في الثلاجة يبات ليلة كاملة
- بعدما يبات ليلة كاملة نخرجوه و نقطعو الكرطونة من الجناب بالمقص أو السكين
- نوضعو فالفرماج فواحد الطبق و نقطعوه و نقدموه
- و من الأحسن نحتافضو بيه في الثلاجة مغطي باش يبقى مزيان
نتمنى تكون عجباتكم الوصفة ديال الفرماج المنزلي و ماتنساوش تشاركوها مع الأصدقاء ديالكم إذا عجباتكم،. و انتظرو الجديد ديما مع موقعنا أذواقي
بالصحة والعافية
تعليقات
إرسال تعليق