السلام عليكم
مرحبا بكم معنا في وصفة جديدة على موقعكم اذواقي ،اليوم جبت ليكم طريقة تحضير عصير الحامض و النعناع في رمضان و في المنزل و لي كايجي منعش و اقتصادي و الطريقة سهلة و بسيطة.
المقادير
- 3 حبات حامض متوسطة الحجم
- 200 غرام سكر سنيدة
- ساشي ڨاني
- علبة دانون فاني
- لتر من الماء
- 7 ورقات ديال النعناع
طريقة التحضير
- أولا نحكو القشرة ديال حامضة وحدة و نحتفظ بها جانبا
- ثانيا نعصرو الحامض كامل لي عندنا
- ثم نضع السكر سنيدة في طنجرة و نضيفو عليه نصف لتر من الماء و نوضعوه فوق النار و نحركو حتى يدوب لينا السكر في الماء
- نحطوه جانبا حتى ييرد
- ناخدو القشرة ديال الحامض لي حكينا و نوضعوها في الخلاط الكهربائي
- نضيفو عليها أوراق النعناع و دانون
- ثم نضيف عصير الحامض لي عصرنا
- بعدها نضيفو ساشي ڨاني
- ثم نضيفو نصف لتر من الماء
- نطحن كولشي مزيان ثم نصفيوه في الصفاية
- بعدما نكونو صفيناه نعاودو نديروه في الخلاط الكهربائي و نضيف عليه الماء لي دوبنا فيه السكر
- نطحنوه مرة أخرى باش يتخلط لينا مزيان
- بعدها نوضعوه في قنينة و ندخلوه للثلاجة يبرد
و هكذا عصير الحامض و النعناع ديالنا واجد ، نشربوه عند الفطور أو خصوصا عند السحور حيتاش كايحيد العطش و كايجي لذيذ و صحي.
نتمنى تكون عجباتكم الوصفة و ماتنساوش تشاركوها مع الناس العزاز عليكم. كذلك خليو لنا تعليق على الوصفة في الأسفل و شتاركو في المدونة باش يوصلكم كل جديد، و ماتنساوش تابعو صفحتنا اذواقي على الفيسبوك لي كايكون فيها الجديد ديالنا و الروابط كذلك
بالصحة والعافية
تعليقات
إرسال تعليق