السلام عليكم
مرحبا بكم معنا في وصفة جديدة من وصفات و شهيوات رمضان 2020 المقدمة من موقعكم اذواقي ، اليوم جبت ليكم طريقة تحضير الكريب مالح مع حشوة رائعة و سهلة التحضير.
مقادير الكريب مالح
للكريب نحتاج
- زوج كيسان ديال العنبة من الدقيق الفورص حوالي 220 غرام
- نصف لتر من الحليب
- زوج بيضات
- زوج ملاعقة زبدة دائبة
- نصف ملعقة صغيرة ملح
- قبسة إبزار
للحشوة نحتاج
- علبة طون صغيرة
- ثلاث ملاعق كبيرة زيتون مقطع حلقات
- فرماج أحمر حسب الرغبة
طريقة تحضير الكريب مالح
- أولا نغربلو الدقيق مزيان
- نجيبو الخلاط الكهربائي باش نخدمو بيه
- نضع البيض و الزبدة في الخلاط الكهربائي
- نضيف الملح و الإبزار ثم نضيف الحليب
- نضيف الدقيق و نطحنو كولشي حتى يتخلط مزيان
- نديرو الخليط فشي إناء و نخلوه يرتاح لمدة 5دقائق
- بعدما يرتاح لينا الخليط
- نجيبو مقلاة طيفال باش نطيبوه
- في حالة بغيتو الكريب عادي بحال لي باالصورة غادي ناخدو نصف مغرفة كبيرة من الخليط
- نديروها في المقلاة و نميلو المقلاة لكل الجوانب باش يتسرح لينا الخليط في المقلاة كاملة
- نطلو على الكريب من التحت و منين يبان لينا تحمر نقلبوه و نطيبوه من الجهة الثانية حتى يتحمر كذلك
- و نستمر في العملية حتى نكملو الخليط
- في حالة بغيتو الكريب مالح بالحشوة
- غادي ناخد نصف مغرفة من الخليط و نسرحوها عادي فوق المقلاة و منين تبدا تحمر نقلبوها
- ثم نضغ الفرماج الأحمر و القليل من الطون و الزيتون على الجهة لي طابت و قلبناها
- ثم نطويو الكريب ديالنا على زوج
- نخلوه شوية ثم نقلبوه ثم نخلوه شوية عاد نطويوه ثاني على أربعة نطيبوه شوية من جهة ثم نقلبوه على الجهة الثانية
كايجي بحال هاكا منين كانطويوه على 4
- نستمرو في العملية حتى نكملو الخليط كامل
و هكذا الكريب مالح مع الحشوة ديالنا واجد ، نتمنى تعجبكم الوصفة ديال اليوم و تشاركوها مع الناس العزاز عليكم ، ماتنساوش تابعونا على فيسبوك و إنستغرام باش توصلو بالجديد.
بالصحة و العافية
بالصحة و العافية
تعليقات
إرسال تعليق